$ 504.34  556.34  5.97
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

Шекарашылар Алматы мен Астана әуежайында жолаушыларды ерекше қарсы алды

Шекарашылар Алматы мен Астана әуежайында жолаушыларды ерекше қарсы алды
фото: ҚР ҰҚК Шекара қызметі

Алматы мен Астана қалаларындағы халықаралық әуежайларда шекарашылар жолаушыларды Республика күнімен құттықтап, тәттілер ұсынды, деп хабарлайды Azattyq Ruhy.

Шекара қызметінде дәстүрлер көп. Солардың ең бастысы - жауынгерлік есеп сағат 20.00-ден «шекаралық тәулік» басталады. Сондықтан мереке қарсаңы 24 қазанда сағат 20:00 бастап шекара сақшылары алғаш болып шетелдік қонақтарды құттықтай бастады.

Алматы мен Астана қалаларындағы халықаралық әуежайларда шекарашылар келіп жатқан жолаушыларға танымал брендке айналған қазақстандық шоколадты мерекелік қорапшада ұсынды.

Қорапшада құттықтау сөздермен қатар ұлттық мереке туралы мәлімет берілген және шекарадан өту сұрақтары бойынша кеңес алу үшін байланыс телефондарының нөмірлері көрсетілген.

Қонақтар шекара бақылауының қызметіне тиісті бағасын берді.

Сонымен қатар өткізу пункттерінде жолаушылар үшін бақылаушылардың жұмысын бағалауға арналған штрихкодтар орналастырылды. Жолаушылардың тексеру процедурасын жылдамдатуға арналған «E-gate» программалық-аппараттық кешені енгізілуде.

Серіктес жаңалықтары