Павлодар облысында көліктен секірген ер адам көз жұмды

Павлодарлық жедел жәрдем соңғы үш күнде үш ірі жол апатына шықты, деп хабарлайды Azattyq Ruhy Pavlodarnews-ке сілтеме жасап.

«Алғашқы ірі апат Чернорецк ауылынан 15 шақырым жерде республикалық тас жолда болды. 23 қазан күні сағат 00:58-де екі көліктің жылқыға соғылғаны туралы хабар түсті. Оқиға орнына жедел жәрдем мен апаттар медицинасы орталығының тобы жіберілді. 9 минут ішінде жетті. Өкінішке орай, екі зардап шегушіні құтқару мүмкін болмады - 29 және 35 жастағы ер адамдар өмірге сүруге сәйкес келмейтін жарақаттар алды. Тағы екі науқасты – 36 жастағы ер адам мен 30 жастағы әйелді Павлодар қалалық №1 ауруханасына жеткізді», - деді баспасөз қызметінде.

Дәл осы күні Баянауыл ауылынан 25 шақырым жерде үш көлік соқтығысты. 103 желісіне қоңырау 21:07-де түсті, жедел жәрдем 12 минутта жетті. Апат салдарынан бес адам зардап шекті. 51 және 24 жастағы ер адамдар мен 2 және 12 жастағы екі бала аудандық орталық ауруханаға жатқызылды. Тағы бір 10 жасар қыз ауруханаға жатқызуды қажет етпеді.

«22 қазан күні сағат 18:14-те жедел жәрдемге ер адамға жүріп келе жатқан көліктен секіріп кетті деген хабар түсті. Оқиға Солнечный кентінен шыға берісте болған. 103 қызметкерлері шақыртудан кейін 6 минут ішінде оқиға орнында болғанымен, 44 жастағы ер адамды құтқару мүмкін болмады. Ол өте ауыр жарақат алған», - деді жедел жәрдемде.