Үміткер Мейрам Қажыкеннің сайлауалды штабы өз жұмысын бастады

Астанада 21 қазан күні Президенттікке үміткер Мейрам Қажыкеннің сайлауалды штабының ашылуы өтті. Штаб Сығанақ көшесі 43, "Аңсар" бизнес-орталығы мекенжайында орналасқан. Бұл күні сонымен бірге оның үгіт-насихат науқаны да басталды.

Мейрам Қажыкен келген қонақтарға өзінің сайлауалды бағдарламасының негізгі бағыттары туралы айтып берді. Бағдарламаның басты фокусы – жасы, жынысы, ұлты, діні мен әлеуметтік мәртебесіне тәуелсіз Адам болып табылады. Бағдарлама барлық мүмкіндіктерді пайдалана отырып, оларды іске асыру үшін баршаға тең мүмкіндіктер жасауға бағытталған.

Президенттікке үміткер азаматтық қоғам мен әлеуметтік серіктестік бағдарламаның басты негізіне айналғанын түсіндірді.

"Азаматтық қоғамның дамуына, оның ішінде кәсіподақ мүдделерін көрсететін мемлекет, жұмыс беруші және қызметкер арасындағы диалог ықпал етеді. Біз заңнамалық деңгейде тараптар диалогын қолдану аясын кеңейтуге, сол арқылы әлеуметтік әріптестік институтын жетілдіруге ниеттіміз", - деді М.Қажыкен.

Кандидаттың айтуынша, міндеттер күрделі, алайда оларды орындау мүмкін, себебі бұл бағыттар экономиканың барлық салаларындағы реформаларға бағытталған.

М. Қажыкенді оның серіктесі Андрей Пригорь – республикалық кәсіподақтар бірлестігінің басшысы қолдады. Ол кәсіподақтар алдағы сайлаудан айтарлықтай өзгерістерді күтетіндігін атап өтті.

"Мейрам Зекешұлы өз бағдарламасында атап өткендей, кәсіподақтар жұмысшылардың мүдделерін толық қорғау үшін саяси шешімдер қабылдауға қатысуы керек. Ол үшін олардың мәртебесін заңнамалық тұрғыдан көтеріп, кәсіподақтардың әлеуметтік әріптестермен, яғни мемлекеттік органдармен және жұмыс берушілермен қарым-қатынасының кез келген деңгейінде ықпал ету тетіктерін беру қажет", - деді А.Пригорь.

Мейрам Қажыкен, кәсіподақтар достастығының басшысы –қазақстандықтардың әлеуметтік қауіпсіздігімен және әділетсіздікпен, теңсіздікпен күресу үшін барлық қажетті шараларды енгізуге дайын көшбасшы екенін атап өтті.

Анықтама үшін:

Мейрам Қажыкен – Павлодар облысы Май ауданы Қызыл-Құрама ауылының тумасы. Профессор, экономика ғылымдарының докторы. "Аманат" Кәсіподақтар Достастығы атынан президент сайлауына ұсынылды.

Еңбек жолын Май аудандық ауыл шаруашылығы бөлімінде аға инженер қызметінен бастаған. Соңғы жылдары Павлодар облысының мемлекеттік органдарында жетекші орындарында еңбек етті, оның ішінде өңір әкімінің кеңесшісі қызметінде де болды. 90-жылдардың аяғында Стратегиялық жоспарлау және реформалар агенттігіне ауысқан.

М.Қажыкен экономика, көлік және коммуникация, индустрия және сауда министрліктерінде басшылық лауазымдарда, сондай-ақ премьер-министрдің кеңесшісі лауазымында үлкен тәжірибе жинады.

Қазіргі таңда бүгінгі қоғамды зерттеу институтын басқарады, сонымен қатар Yntymaq еңбекақы төлеу жүйесі мен әлеуметтік серіктестік институтын модернизациялау жөніндегі үйлестіру кеңесін басқарады. Кеңес құрамында республикалық және салалық маңызы бар кәсіподақтар, оның ішінде Қазақстан Еңбек конфедерациясы, "Аманат" Қазақстан кәсіподақтар Достастығы бар.