Ресейліктер арасында «Астана мен Нұр-Сұлтан қалалары қай елді орналасқан?» деген сауалнама жүргізілді
Әлеуметтік желіде ресейліктер арасында жүргізілген сауалнама жарияланды. Онда қатысушылар «Астана мен Нұр-Сұлтан қайда орналасқан?» деген сұраққа жауап берді, деп хабарлайды Azattyq Ruhy.
Қатысушылардың ішінде қала Ресейде орналасқан деп жауап бергендер де бар.
«Ресейде орналасқан. Татарстан Ресей субъектілерінің бірі ғой. Ресейге тиесілі», - дейді олар.
Видеода сұралғандардың аз бөлігі бұл қалалар Қазақстанда орналасқанын айтады. Бірақ олар екі атаудың бір қалаға тиесілі екенінен хабарсыз болып шықты. Тек бір адам ғана Астана мен Нұр-Сұлтан бір қала екенін дәл айтты.
Айта кетейік, елордамыз Астана қаласы 2019-2022 жылдар аралығында Нұр-Сұлтан деген атауға ие болды.