Дональд Трамп Капитолийге шабуыл жасау ісіне байланысты сотқа шақырылды

2020 жылдың 6 қаңтарында Капитолийге жасалған шабуылды тергеп жатқан АҚШ Өкілдер палатасының комитеті Дональд Трампты сотқа шақыру үшін бірауыздан дауыс берді, деп хабарлайды Azattyq Ruhy агенттігі Euronews-ке сілтеме жасап.

Экс-президентке 5 адам қаза тапқан Конгресс ғимаратына шабуыл жасауға қатысты құжаттар ұсынуға міндеттелді.

Комитеттің мәліметінше, Дональд Трамп және оның айналасындағылар 2020 жылғы сайлауға бірнеше ай қалғанда сайлау нәтижесіне наразылық білдіріп, өзд жеңісін жариялауды жоспарлаған.

2021 жылдың 6 қаңтарында Трамптың республикалық жақтастары АҚШ-тағы 2020 жылғы қарашада өткен президенттік сайлаудың қорытындыларын бекітуге жол бермеу үшін Капитолийге шабуыл жасады. Алайда сайлауда  демократ Джо Байден жеңіп щықты.

ОҢТҮСТІК КОРЕЯДА МЕН КХДР АРАСЫ ҚАЙТА ШИЕЛЕНІСЕ БАСТАДЫ

Корея Республикасы президентінің жанындағы Ұлттық қауіпсіздік кеңесі (ҰҚК) соңғы тәулікте КХДР-дың бірқатар әскери арандатуларын талқылады және мұндай әрекеттердің салдары туралы ескертті. Бұл туралы ТАСС ақпараттық агенттігі хабарлады.

Бейсенбіден жұмаға қараған түні КХДР-дің 10-ға жуық ұшағы кореяаралық шекараның жанынан ұшып өтті, соның салдарынан Оңтүстік Корея авиациясы көкке көтерілді. Сеулдің мәліметінше, бүгін жергілікті уақыт бойынша сағат 01:49-да Пхеньян аймағынан Жапон теңізіне қарай қысқа қашықтықтағы баллистикалық зымыран ұшырылды, түнде артиллериялық жаттығулар өтті, снарядтар теңіз буферлік аймақтарына құлады, бұл Сеулде екіжақты келісімдерді бұзу деп саналды.

«Қауіпсіздік кеңесі Солтүстік Корея баллистикалық зымырандарды әртүрлі уақытта және әртүрлі жерден бұрын-соңды болмаған жиілікте ұшырғанын атап өтті. Кеңес баллистикалық зымырандардың барлық ұшырылуы БҰҰ Қауіпсіздік Кеңесінің қарарларын бұзатынын ескертті», - деді Оңтүстік Корея.

ҰҚК қатысушылары халықаралық қоғамдастықпен, ең алдымен АҚШ және Жапониямен ынтымақтастықты нығайтуға шешім қабылдады. Сондай-ақ, Корея Республикасы мен АҚШ қорғаныс қабілетін күшейтуді жалғастыратынын мәлімдеді.

ГЕРМАНИЯ НАТО ОДАҚТАСТАРЫ ҮШІН ЯДРОЛЫҚ ҚАРУДАН ҚОРҒАЙТЫН ӘУЕ ҚОРҒАНЫСЫН ЖАСАМАҚ

НАТО Ресейдің ядролық қатерлеріне алаңдаушылық танытуда, оның бұл қаруды қолдануы ауыр зардаптарға әкеледі. Бұл туралы одақтас елдердің қорғаныс министрлері кездесуінің қорытындысы бойынша Брюссельде сөйлеген сөзінде әскери альянстың бас хатшысы мәлімдеді, деп хабарлайды Euronews.

Йенс Столтенберг сонымен қатар президент Путиннің Украинаның басып алынған аумақтарын қорғау үшін "барлық қолжетімді құралдарды" пайдалануға дайын екені туралы мәлімдемесін жауапсыздық деп санады. НАТО-ның Бас хатшысы ұйымның реакциясы қандай болатыны туралы егжей-тегжейлі  жариялаған жоқ.

«НАТО-ны ядролық қаруды қолдануы екіталай. Ресейдің ядролық риторикасы қауіпті және егер олар оны Украинаға қарсы қолданса, бұл ауыр зардаптарға әкелетінін біледі. Олар сондай-ақ ядролық соғысты жеңуге болмайтынын және оны ешқашан шешуге болмайтынын да біледі», - деді Йенс Столтенберг.

Бас хатшы Мәскеудің ядролық арсеналында әзірге соғысқа дайындық белгілері жоқ екенін айтты. Германияның қорғаныс министрінің хабрлауынша, НАТО-ның 15 елі, соның ішінде Бельгия мен Ұлыбритания еуропалық әуе қорғанысы жүйесін жетілдіру жоспарларын жүзеге асыруға келісті. Кездесуге қатысушылар «Еуропалық аспан қалқаны» деп аталатын компоненттерді бірлесіп сатып алу ниеті туралы хатқа қол қойды. Бұл – неміс министрінің бастамасы.

«Біз құрлықтағы және авиациялық базадағы әуе шабуылына қарсы бірлескен жоба құрғымыз келеді. Бүгін Өзара түсіністік туралы меморандумға қол қою арқылы біз бұл бастаманы іске қосамыз және континентіміздің қауіпсіздігі үшін ортақ жауапкершілікті бөлісеміз», -  деді Германияның қорғаныс министрі Кристина Ламбрехт.

Олаф Шольц тамыз айының соңында Германия алдағы бірнеше жылда өзінің әуе қорғанысына қомақты қаражат салуды жоспарлап отырғанын айтты. Канцлердің айтуынша, бұл жүйе еуропалық одақтастар қосыла алатындай етіп жасалады.