Бәйтерек ауданы мұғалімдерінің бармаған жері қалмаған
БҚО-да аудан мұғалімдері 10 ай бойы төлемдерін ала алмай жүр, деп хабарлайды Azattyq Ruhy «Мой ГОРОД» сайтына сілтеме жасап.
Оқу-ағарту министрінің бұйрығына сәйкес, алғашқы әскери-технологиялық дайындықты ұйымдастырушыларға 2021 жылғы 1 қаңтардан 31 желтоқсанға дейінгі төлемдерді қайта есептеу құқығы берілді.
«Бәйтерек ауданынан басқа Орал, Теректі, Бөрлі аудандарында мұғалімдерге төлем жасалды. Біз Бәйтерек аудандық білім бөліміне ұжымдық түрде жүгінген едік, бізге бюджетте ақша жоқ деп жауап берді. Осыдан кейін біз Бәйтерек ауданының прокуратурасына ұжымдық арызбен жүгіндік. Бірақ олар БҚО еңбек инспекциясы мен БҚО білім басқармасына жіберді. Бәйтерек аудандық білім бөлімі бізге осы жылдың қыркүйек айында барлығын төлейміз деп уәде еткенімен, осы уақытқа дейін уәделерін орындамады. Облыстық кәсіподақ ұйымына да хабарластық. Барлық жерде бір жауап бар: бюджетте ақша жоқ», – делінген мұғалімдер жолдаған анонимді хатта.
БҚО білім басқармасы тиісті төлемдерге қатысты қазіргі жағдайды түсіндірді.
«Бәйтерек аудандық білім бөлімінің 3 қазандағы хаты негізінде БӘД педагог-ұйымдастырушыларына бастапқы әскери дайындық сағаттарын өткізгені үшін бюджетте қайта есептеу қаражаты қарастырылмағандықтан, төленбеген. Наурыз айында аудандық білім бөліміне қайта есептеуді төлеуге қосымша қаражат бөлуге бюджеттік өтінім түскен. Сәуір айында департамент мәслихаттың келесі сессиясына бюджеттік өтінім жолдағанымен, сұраныс қолдау таппады. Қыркүйек айында білім басқармасы Оқу-ағарту министрлігіне республикалық бюджетті нақтылаудың қосымша қажеттілігі туралы бюджеттік өтінім жолдады. Қайта есептеу бюджет қаражатының бөлінуіне қарай төленеді»,- деп түсіндірді ведомствода.
Соманың қанша екені хабарланбады.