Қазақстан-Қытай шекарасындағы теміржол бекеттері әдеттегідей жұмыс істейді
1-3 қазан аралығында Қазақстан-Қытай шекарасындағы автомобиль өткізу бекеттері жұмыс істемейді. Бұл туралы Azattyq Ruhy Мемлекеттік кірістер комитетіне сілтеме жасап хабарлады.
«Мемлекеттік кірістер комитеті, Қытай Халық Республикасының құрылған күнін мерекелеуге байланысты 2022 жылғы 1-3 қазан аралығында Қазақстан-Қытай шекарасындағы автомобиль өткізу пункттерінде адамдарды, көлік құралдары мен жүктерді өткізу жүргізілмейтінін хабарлайды», - делінген хабарламада.
Қазақстан-Қытай шекарасындағы теміржол бекеттері әдеттегідей жұмысын жалғастыратыны атап өтілді. Тасымалдаушылар мен шекараны кесіп өткісі келетін кез келген адам енгізілген шектеулерді ескере отырып, өз бағытын алдын ала жоспарлау керек.