Жыл басынан бері 11 мыңнан астам этникалық қазақ атамекеніне көшіп келген
Қандастарға қолдау көрсету мақсатында құрылған Отандастар қорының мәліметінше, соңғы жылдары атамекеніне оралғысы келетін қандастардың саны күрт артқан, деп хабарлайды Azattyq Ruhy.
Жыл басынан бері 11 мыңнан астам этникалық қазақ атамекеніне көшіп келген. Олардың 70 пайызы Өзбекстаннан қоныс аударған. Өзгелері Қытай мен Түркіменстан, Моңғолия және басқа да елдерден келген.
«Отандастар» қорының мәліметінше, олар алыс-жақын шет елдердегі қазақтармен үнемі байланыста.
Мамандардың айтуынша, Қазақстан тәуелсіздік алғалы 1 миллион 99 мыңнан астам этникалық қазақ атамекеніне қоныс аударды. Көш әлі де жалғасып жатыр.