Қару-жарақ құрылыс қалдықтарының арасында жатқан
Көліктегі полицейлері Алматы облысында жасырын орыннан қару-жарақ тапты, деп хабарлайды Azattyq Ruhy.
Көліктегі полиция департаменті Ұйымдасқан қылмысқа қарсы күрес басқармасының қызметкерлері Қонаев қаласының маңында жедел-іздестіру іс-шараларын жүргізу барысында құрылыс қалдықтарының үйіндісі аумағында теріге оралған 4 тегіс ұңғылы аңшылық мылтық пен 12-ші калибрлі 22 патрон тауып, тәркіледі. Бұл туралы Департамент бастығы Оңал Бекеев айтты.
«Аталған факті бойынша Қазақстан Республикасы Қылмыстық кодексінің 287-бабының 3-бөлігі, яғни қару мен оқ-дәрілерді заңсыз сақтау бойынша сотқа дейінгі тергеу басталды», - деді полиция генерал-майоры.
Оның айтуынша, қазіргі уақытта қару мен оқ-дәрілерді сақтауға қатысы бар адамдар анықталуда. Алынған заттай дәлелдемелер сот-баллистикалық сараптамаға жіберілген.