Белгісіз біреулер көше бойындағы ағаштың жанына мылтық пен патрондарды жасырған
Таразда көше бойынан тағы қару табылды, деп хабарлайды Azattyq Rýhy Жамбыл облыстық Қылмыстық атқару жүйесі департаментіне сілтеме жасап.
«28 тамыз күні сағат 20:25 шамасында қаладағы Көшек батыр көшесі бойынан қару табылды. Атап айтқанда, аталған көше бойындағы ағаштардың бірінің жанындағы шифр астында нөмірі жоқ оқтаулы, "Байкал" маркалы бір ұңғылы 5 мылтық және 9 мм калибрлі 16 дана патрон жасырынғаны анықталды», - делінген хабарламада.
Айта кетейік, бұл факт Жамбыл облысы бойынша ҚАЖ департаментіне бағынысты ЖД-158/5 мекемесі мен Тараз қалалық криминалдық полиция басқармасының қызметкерлері бірлесе өткізген жедел-іздестіру шаралары кезінде тіркеліп отыр.