Қазгидромет бидай мен күнбағыстың шығымына қатысты болжамды жариялады

Azattyq Rýhy

Синоптиктер батыс пен шығыс өңірлерде биыл бидайдың өнімділігі жоғары болады деп болжам жасады

Қазгидромет бидай мен күнбағыстың шығымына қатысты болжамды жариялады
фото: іnbusiness.kz

«Қазгидромет» РМК бидай мен күнбағыстың шығымына қатысты болжамды жариялады, деп хабарлайды Azattyq Ruhy.

«Есептік деректерге сәйкес және қалыптасқан және күтілетін агрометеорологиялық жағдайды ескере отырып, республиканың солтүстік жартысында жаздық бидайдың өнімділігі 2022 жылы көбінесе орташа көп жылдық мәнге жуық, Батыс Қазақстан және Ақтөбе облыстарының басым бөлігінде орташа көп жылдық мәннен жоғары болады деп күтілуде», - делінген Қазгидрометтің хабарламасында.

Солтүстік Қазақстан облысының Жамбыл, Қызылжар және Аққайың аудандарында, Қостанай облысының Қамысты ауданында, Шығыс Қазақстан облысының Катонқарағай және Алтай аудандарында бидайдың өнімділігі нормадан жоғары болып болжанады.

Қостанай және Павлодар облыстарында күнбағыстың өнімділіге 2022 жылы орташа көп жылдық мәнге жуық, ал Шығыс Қазақстан облысында орташа көп жылдық мәннен жоғары болады деп күтілуде.

×
Бұл желілік ресурстың ақпараттық өнімдері 18 жастан асқан адамдарға арналған.