Жүргізуші мерт болды, ал жарақат алған жолаушылары ауруханада жатыр
Бүгін Жетібай-Шетпе тас жолының 96 шақырымында УАЗ және Toyota Prado маркалы екі көлік соқтығысып, жүргізуші мерт болды, деп хабарлайды Azattyq Ruhy.
Шетпе ауылына қарай келе жатқанда УАЗ автокөлігінің жүргізушісі қарсы бағытқа шығып кетіп, Toyota Prado автокөлігіне соғылған. Ауыр соққыдан екі көлік өртке оранған.
Жол-көлік оқиғасы салдарынан УАЗ автокөлігінің жүргізушісі мерт болды, бес адам жарақат алды. Олардың барлығы облыстық ауруханада жатыр.
Аталған факті ҚР ҚК 345-бабы 3-бөлігі бойынша тіркеуге алынды. Тергеу амалдары жүріп жатыр.