Әуе шеруі Талғат Бигелдиновтың туғанына 100 жыл толуына орай ұйымдастырылады
Ақтауда әуе шеруі өтеді, деп хабарлайды Azattyq Ruhy.
5 тамызда Ақтау қаласында аты аңызға айналған ұшқыш, екі мәрте Кеңес Одағының Батыры Талғат Жақыпбекұлы Бигелдиновтың туғанына 100 жыл толуына орай әуе шеруі өтеді.
Шараға Қазақстан Республикасы Әуе қорғанысы күштері армия авиациясының тікұшақтары мен жойғыш ұшақтары қатысады. Әскери ұшқыштар жоғарғы пилотаж әдістерін орындап, өз шеберліктерін көрсетеді. Әскери әуе шеруін қала тұрғындары мен қонақтары теңіз жағалауынан тамашалай алады.