Жалпы жүлде қоры 100 млн теңгеден асады
23 шілдеде Ақтөбеде OLIMPBET Бәйгеден Қазақстан кубогының II кезеңі өтеді, деп хабарлайды Azattyq Ruhy.
Байқауға қатысушылар тағы 16 млн теңге жүлде қорын сарапқа салады.
Биыл республикада алғаш OLIMPBET Қазақстан чемпионаты өтіп жатыр. Алғашқы кезеңі Алматыда шілденің басында өтті, екінші кезеңі осы сенбіде, 23 шілдеде Ақтөбе қаласында өтеді. Жүлде қоры – 16 млн теңге. Барлығы 5 кезең мен финал үшін қатысушылар 100 млн теңгеден астам жүлдені бәйгеге тігеді.
OLIMPBET Бәйгеден Қазақстан Чемпионаты үш тәртіпте өтеді: құнан бәйге, топ бәйге мен аламан бәйге. Бірінші орын үшін жүлде қоры 2 млн-нан 4 млн теңгеге дейін, 15 қазан 2022 жылы Алматыда өтетін финалда жеңімпаздар 3 млн-нан 6 млн теңгеге дейін алады. Екінші орыннан бесінші орынға дейін жеңімпаздарға әр кезеңде және финалда 100 мыңнан 2,2 млн теңге тиесілі.