Компаниялар 1000 АЕК көлемінде айыппұл арқалайды
Елде сапасыз интернет үшін салынатын айыппұл өседі. Тиісті заңға Мемлекет басшысы қол қойды, деп хабарлайды Azattyq Rýhy.
Енді ғаламдық желісі сыр берген компаниялар бір мың айлық есептік көрсеткіш көлемінде айыппұл төлейді. Бұрын бұл сома 10 есе аз болатын. Егер заңбұзушылық қайталанса, айыппұл құны тағы артады. Цифрлық даму, инновациялар және аэроғарыш өнеркәсібі министрлігінің мәліметінше, операторларға түсетін арыз-шағым бұрынғыдан 10 есе жиілеген.
«Мемлекет басшысы атап өткендей, интернет яки байланыс тұрғындарға қолжетімді болу керек. Осы ретте, заң жобасы аясында осы сапасыз қызмет көрсететін байланыс операторына қатысты бірқатар ногрмалар күшіне енді. Заңбұзушылық қайталанса, онда айыппұл 200-ден 1500 АЕК-ке дейін артады», - дейді ҚР Цифрлық даму, инновациялар және аэроғарыш өнеркәсібі министрлігінің баспасөз хатшысы Ерхан Таткен.