Спортшы елордада бірнеше маңызды кездесуге қатысады
Уимблдон чемпионы Елена Рыбакина елордаға келді. Әлемдік теннис турнирінің жеңімпазын астаналықтар әуежайдан күтіп алды, деп хабарлайды Azattyq Rýhy.
Чемпионды Нұр-Сұлтан қаласының халықаралық әуежайынан спортшының жанкүйерлері мен БАҚ өкілдері қарсы алды. Күтіп алушылар Елена Рыбакинаға құрмет көрсетіп, гүл шоқтарын сыйлады.
"Осында келіп, маған қолдау көрсетіп, қолпаштап жатқан барлықтарыңызға алғыс айтқым келеді. Ертең баспасөз мәслихаты болады, барлық сұрақтарға сол кезде қуана-қуана жауап беремін", - деді Елена Рыбакина.