Қазіргі таңда шығын көлемі есептеліп жатыр
Қызылордада қатты желден ұшып кеткен көпқабатты үйдің шатыры көліктерді басып қалды, деп хабарлайды Azattyq Ruhy.
6 шілде күні болған қатты желдің әсерінен Қызылорда облысының Жалағаш ауданындағы бірнеше ғимарат бүгінген. Оқиға салдарынан көппәтерлі 2 тұрғын үйдің шатыры ұшып, сол жердегі 2 көліктің үстіне құлаған. Сондай-ақ, жақын маңда орналасқан электр бағаналары үзілді.
«Қатты желдің салдарынан тұрғын үй және әлеуметтік-мәдени нысандардың шатыры ұшып, коммуналдық қызметтердің жұмысы уақытша тоқтап қалды. Оқиға салдарынан зардап шеккендер жоқ. Қазіргі уақытта жергілікті атқарушы органдар тексеріс жұмыстарын жүргізіп жатыр. Үзілген электр желілері қайта қалпына келтіріліп, коммуналдық қызметтердің жұмысы жалғасуда», - деді ТЖД төтенше жағдайлардың алдын алу бөлімінің бастығы Нұрбол Исанов.