Мемлекетке 1 млрд теңге шығын келтірген: Шымкентте заңсыз шот-фактура жазумен айналысқан азамат ұсталды

Azattyq Rýhy

23.06.2022, 10:50

Қылмыстық істі тергеу аяқталып, сотқа жіберілді

Мемлекетке 1 млрд теңге шығын келтірген: Шымкентте заңсыз шот-фактура жазумен айналысқан азамат ұсталды

Фото ашық дереккөзден

Қаржылық мониторинг агенттігі Шымкент қаласы бойынша аумақтық департаменті жалған шот-фактураларды жазып берумен айналысқан азаматтың қызметін әшкереледі. Бұл туралы Azattyq Ruhy ведомствоның баспасөз қызметіне сілтеме жасап хабарлайды.

Қылмысты іске асыру үшін 6 компания құрылды, олардың жалпы айналымы 2019-2021 жылдар аралығында 3 миллиард теңгеден асты, соның нәтижесінде мемлекеттік бюджетке салық түрінде 1 миллиард теңгеден астам түспеген.

Қылмыстық істі тергеу аяқталып, сотқа жіберілді.