Қазақстанда ірі ұялы байланыс операторының нарықтағы үлесі төмендетіледі

Azattyq Rýhy

Экономиканы демонополизациялау жөніндегі комиссия отырысы өтті

 

Қазақстанда ірі ұялы байланыс операторының нарықтағы үлесі төмендетіледі
Фото: Мегафон

ҚР Премьер-министрі Әлихан Смайылов Экономиканы демонополизациялау жөніндегі комиссияның кезекті отырысын өткізді, деп хабарлайды Azattyq Ruhy.

Отырыс барысында электр энергиясы мен телекоммуникация нарықтарын демонополизациялау бойынша Бәсекелестікті қорғау және дамыту агенттігінің ұсыныстары қаралды,

«Байланыс нарығын демонополизациялау жөніндегі қадамдар аясында ұялы байланыс қызметтерін көрсету саласындағы ірі операторлардың бірінің үлесін төмендету туралы ұсыныс айтылды», - деді Үкімет басшысының баспасөз қызметі. 

ҚР Премьер-министрі аталған шаралардың экономикаға әсерін бағалау үшін сараптамалық деңгейде айтылған тәсілдерді пысықтауды тапсырды.

Айта кетерлігі, дәл қай оператор туралы екені айтылмады.

×
Бұл желілік ресурстың ақпараттық өнімдері 18 жастан асқан адамдарға арналған.