Құтқарылған қыз полиция бөліміне жеткізілді
Шымкентте көпірден секірмек болған бойжеткен құтқарылды, деп хабарлайды Azattyq Rýhy otyrar.kz-ке сілтеме жасап.
Шымкент қалалық ІІБ Жедел басқару орталығының басқару пультіне Қапал батыр көшесіндегі көпірде бойжеткеннің өз-өзіне қол жұмсамақ болғаны туралы хабарлама келіп түскен.
«Полиция дереу оқиға орнына жетті. Полицейлер көпірден темір жолға секіруге дайын тұрған қызды көрді. Тәртіп сақшылары онымен әңгімелесіп, мұндай әрекетке бармауын өтінген. Әңгімеге алаңдаған бойжеткенді полицейлердің бірі арқасынан келіп, ұстап алған», - делінген хабарламада.