Ұлттық қауіпсіздік комитетінің жаңартылған құрылымы бекітілді
ҚР Президент Қасым-Жомарт Тоқаев Ұлттық қауіпсіздік комитетін реформалау туралы жарлыққа қол қойды. ҰҚК-нің жаңартылған құрылымы бекітілді, деп хабарлайды Azattyq Rýhy.
«2022 жылғы 17 мамырда Қазақстан Республикасының Президенті «Қазақстан Республикасы Ұлттық қауіпсіздік комитетінің кейбір мәселелері туралы» № 893 Жарлыққа қол қойды», - делінген ҚР ҰҚК баспасөз қызметінің хабарламасында.
Осы Жарлықпен ұлттық қауіпсіздік органдарының қызметін жетілдіруді көздейтін Қазақстан Республикасы Президентінің 15 жарлығына түзетулер енгізілді.
«ҰҚК-нің жаңартылған құрылымы бекітілді. ҰҚК-нің жекелеген мемлекеттік мекемелері қайта ұйымдастырылып, оңтайландырылды», - делінген хабарламада.