«Кекеш келін» телехикаясының жаңа сериясы бүгін – 19 маусымда басталады
Соңғы уақытта қазақстандық телекөрермендер арасында үнді телесериалдарына деген сұраныс жоғары. Мәселен, «Астана» телеарнасы бұған дейін «Кекеш келін» телехикаясын көрсетіп, фильм көпшіліктің оң бағасын алған болатын. Телеарна ұжымы енді аталған телесериалдың жаңа маусымын ұсынып отыр.
Телехикая Тхапки есімді қыздың өмірі жайлы. Тхапки – қарапайым отбасында дүниеге келген. Аз уақытта ақылына көркі сай болып бой жетеді. Бір басына жететін дарыны да бар. Мақпалдай жұмсақ дауыс иесі. Ән айтқанды ұнатады. Көп қыздың арманы сияқты, ол да елге әйгілі әнші болғысы келеді. Сосын тұрмыс құрып, балалы болуды армандайды. Бірақ, «бір кем дүние» демекші, Тхапкидің бойында бір міні бар. Бала кезден кекештеніп, тұтығып сөйлейді.