Ақмолалықтар 94 қару-жарақты полицияға тапсырды

Azattyq Rýhy

Азаматтар қару-жарақты өз еркімен тапсырғаны үшін 10-100 АЕК шамасында төлем алады

фото: matritca.kz

Ақмолалықтар  94 қару-жарақты полицияға тапсырды, деп хабарлайды Azattyq Rýhy.

«Акция басталғаннан бері ақмолалықтар полиция бөлімшелеріне 94 қару, оның ішінде 85 бірлік тегіс ұңғылы, 8 ойық ұңғылы, 1 бірлік травматикалық қару және 1 гранатаны тапсырды. Сонымен қатар, ойық қарудың 40 патроны тапсырылды. Бұл қару қазір 4 миллион 964 мың теңгеге бағаланып отыр», деп көрсетті Ақмола облыстық Полиция департаменті.

Ең көп қаруды Бурабай ауданының тұрғындары (12 бірлік) тапсырды, Көкшетау қаласының тұрғындары 11 бірлік, ал атбасарлықтар – 9 қару-жарақ тапсырды.

Барлық тапсырылған қарулар ІІМ есебі бойынша тексерілді, криминалистикалық сараптамадан өтуде. Зерттеу нәтижелері бойынша азаматтарға ақшалай қаражат төленетін болады. Айта кету керек, акция бөлінген қаражат толық игерілгенге дейін жалғасады.

×
Бұл желілік ресурстың ақпараттық өнімдері 18 жастан асқан адамдарға арналған.