Қостанай қаласында базардан нәрестенің өлі денесі табылды

Azattyq Rýhy

Қазір аталған факті бойынша сотқа дейінгі іс қозғалып жатыр

Қостанай қаласында базардан нәрестенің өлі денесі табылды
Фото ашық дереккөзден

Қостанай қаласында «Бүркіт» базары аумағынан пакетке салынған өлі сәбидің денесі табылды. Бұл туралы Қостанай облыстық полиция департаментінің баспасөз қызметі мәлім етті, деп хабарлайды Azattyq Rýhy.

«Кеше сағат 17:00 шамасында Гоголь және Шаяхметов көшелерінің қиылысында, «Бүркіт» базарының аумағында 37 жастағы ер адам пакет тауып алды. Онда нәрестенің денесі болған. Оқиға орнына жеткен тергеу-жедел тобы сәбидің қыз бала екенін анықтады», - делінген хабарламада.

Жергілікті полиция департаментінің мәліметінше, қазір аталған факті бойынша ҚР ҚК-нің 100-бабына (Жаңа туған баланы анасының өлтіруі) сәйкес сотқа дейінгі іс қозғалып жатыр.

«Полиция халықтан осы факт бойынша нақты ақпарат болса, хабарлауын сұрайды. Қазіргі уақытта тергеу амалдары жүріп жатыр, сараптамалар тағайындалды», - деп хабарлады ведомстводан.

×
Бұл желілік ресурстың ақпараттық өнімдері 18 жастан асқан адамдарға арналған.