Ұсталғандар Қазақстан Республикасының азаматтығымен қоса Ресей Федерациясының азаматтығын қабылдаған
Атырау облысында қос азаматтықпен жүрген 5 адам анықталды, деп хабарлайды Azattyq Rýhy.
«Атырау облысының ПД Көші-қон қызметі басқармасы ағымдағы жылдың басынан бері Қазақстан Республикасы азаматтығының жеке басын куәландыратын құжаты бар және басқа мемлекеттің азаматтығын қабылдаған 5 азаматты анықтады» - деді Атырау облысы Полиция департаментінің бастығы, полиция полковнигі Нұрхат Оразбаев.
Аталған азаматтардың барлығы да Қазақстан Республикасының азаматтығымен қоса Ресей Федерациясының азаматтығын қабылдаған.
Осыған байланысты Қазақстан Республикасы ӘҚБтК-нің 496 бабының 2 бөлімімен әкімшілік хаттама толтырылып, 200 АЕК мөлшерінде әкімшілік айыппұл салынды.