Аумақта өткел төсемін ауыстыру және өзге де жұмыстар жүргізіледі
16 сәуірден 17 сәуірге қараған түні Нұр-Сұлтан станциясының Малахов көшесінде ПК 7-нің 805-ші шақырымында орналасқан өткел жабылады. Бұл туралы елорда әкімдігінің ресми сайты ҚТЖ баспасөз қызметіне сілтеме жасап хабарлайды.
«Нұр-Сұлтан станциясындағы өткел арқылы автокөлік құралдары үшін қозғалыс 16 сәуірде сағат 00:00-ден 08:00-ге дейін өткел төсемін ауыстыру және өзге де жұмыстардың жүргізілуіне байланысты жабылады», - делінген хабарламада.
Осыған байланысты елорда тұрғындары мен қонақтары қаланың осы бөлігіндегі қозғалысын алдын ала жоспарлауы қажет.