Атырауда деструктивті діни ағым өкілінен тапанша тәркіленді

Azattyq Rýhy

Қазір күдіктіге қатысты тергеп-тексеру амалдары басталды

Атырауда деструктивті діни ағым өкілінен тапанша тәркіленді
Фото ашық дереккөзден

Атырауда деструктивті діни ағым өкілінен тапанша тәркіленді. Бұл туралы  облыстық полиция департаментінен мәлім етті, деп хабарлайды Azattyq Rýhy.

Облыстық полиция департаментінің бастығы Нұрым Оразбаевтың айтуынша, 31 жастағы ер адам қаруды заңсыз сақтап, тасымалдаған.

«Полиция департаментінің қызметкерлері «Құқықтық тәртіп» жедел-профилактикалық іс-шарасы кезінде деструктивті діни ағым өкілінен серия нөмірі өшірілген «ОСА» маркалы травматикалық тапаншаны тауып, тәркіледі. Қаруға сараптама тағайындалды. Күдіктінің бұрын сотты болғаны анықталды» - деді полиция полковнигі Нұрхат Оразбаев.

Қазір күдіктіге қатысты ҚР Қылмыстық кодексінің 287-бабының 2-бөлігімен сотқа дейінгі тергеп-тексеру амалдары басталды.


 

 

×
Бұл желілік ресурстың ақпараттық өнімдері 18 жастан асқан адамдарға арналған.