Жол көлік оқиғасынан кейін үш адам дәрігер қарауында болды
Осы жылдың 23 наурызында сағат 14.00-де Нұр-Сұлтан қаласындағы Қосшы қаласының бағытындағы тас жолда 12 автокөліктің қатысуымен жол-көлік оқиғасы орын алды. Жол-көлік оқиғасының себебі кінәлі тұлғалардың метеорологиялық жағдайда жылдамдық режимін сақтамауы болды. Бұл туралы Azattyq Rýhy елордалық ПД-ның баспасөз қызметіне сілтеме жасап хабарлайды.
Апат салдарынан зардап шеккендер жоқ. Жол көлік оқиғасынан кейін үш адам дәрігердің қарауынан соң үйіне жіберілді. Аталған факті бойынша анықтау жүргізілуде.
«Тәртіп сақшылары қиын жағдайға тап болған жүргізушілерге барынша көмектесіп, сондай-ақ қоғамдық тәртіп пен азаматтардың қауіпсіздігін қамтамасыз етеді», - дейді Патрульдік полиция полкі кезекші бөлімінің бастығы Айбек Нартпаев.