Ұл мен қыз бала кесар тілігі арқылы өмірге келді
22 наурыз күні Павлодар облысында 17 нәресте дүниеге келген, деп хабарлайды Pavlodarnews.kz.
Бұл туралы облыстық денсаулық сақтау басқармасы мәлім етті.
"22 наурыз күні облыста 10 ұл, 7 қыз бала дүниеге келді. Алғашқы сәби сағат 00:00-де туылды. Бұл қыз баланың салмағы 3494 граммды құрайды. Сондай-ақ егіздер де дүниеге келді. Ұл мен қыз бала кесар тілігі арқылы туылды", - деді басқармада.
Еске салайық, 8 наурыз мерекесінде облыста 25 нәресте: 16 ұл, 9 қыз жарық дүние есігін ашқан болатын.