Сауль Альварес қазақстандықтарды Наурыз мерекесімен құттықтады

Екінші орта салмақта әлемнің абсолютті чемпионы мексикалық Сауль «Канело» Альварес (57-1-2, 39 КО) қазақстандықтарды Наурыз мерекесімен құттықтады, деп хабарлайды Azattyq Rýhy.

Мексикалық боксшының құттықтауын Suleimen Promotions компаниясы жариялады. Видеода суперорта салмақта жұдырықтасатын қазақ боксшы Айдос Ербосынұлы (16-0, 11 КО) да бар.

«Қазақстан халқы, Наурыз құтты болсын! Бар жақсылықты тілеймін!» - дейді мексикалық.

Айта кетейік, Айдос Ербосынұлы Сауль Альвареске жартылай ауыр дивизионда WBA чемпионы Дмитрий Биволға (19-0, 11 КО) қарсы жекпе-жекке дайындалуға көмектесуде.