Эльмира – 2016 жылы Риода өткен олимпиада ойындарының еркін күрестен қола жүлдегері
Италияның Рим қаласында күрес түрлерінен Matteo Pellicone рейтингілік турнирі басталды. Алғашқы жарыс күнінде Қазақстан атынан екі балуан кілемге шықты, деп хабарлайды Қазақстан ҰОК баспасөз қызметі.
Жарыстың алғашқы күнінде әйелдер күресінен 57, 62, 68 және 76 келі салмақтағы балуандар бақ сынады. 76 келіде сынға түскен Рио Олимпиадасының қола жүлдегері Эльмира Сыздықова 1/8 финалда италиялық спортшыдан басым түсіп, келесі айналымда қытай балуаны Циан Жоудан жеңілді.
Эльмира Сыздықова жұбаныш белдесуде эквадорлық Генезис Реаско Вальдезден басым түсіп, қола медаль үшін күресуге жолдама алды. Алайда, қазақстандық спортшы олимпиада чемпионы Наталья Воробьеваға (ресейлік) есе жіберіп, V орын алды.