Атырауда екі жұмысшы 5 қабатты үйдің шатырынан құлап қайтыс болды

Оның бірінің жасы – 25-те, екіншісі – 36-да

Фото ашық дереккөзден

Атырауда қауіпсіздік белдігін тақпаған екі адам 5 қабатты үйдің шатырынан құлап мерт болды. Бұл деректі Атырау облыстық полиция департаментінің баспасөз қызметі растады, деп хабарлайды Azattyq Rýhy.

Оқыс оқиға бүгін, 21 ақпанда Атырау қаласында болған.

«Атырау қаласының «СМП-163» шағын ауданында орналасқан №7 үйде жаңғырту жұмысы жүргізіліп жатыр. Осыған байланысты 5 қабатты үйдің төбе жабындысын ауыстыру кезінде 2 жұмысшы құлап кеткен. Оның бірінің жасы – 25-те, екіншісі – 36-да. Жұмысшылардың қауіпсіздік белдігін тақпағаны анықталды. Екеуі де оқиға орнында мерт болды», - деп мәлім етті департаменттің баспасөз қызметінен.

Мақалада

#Атырау #жұмысшы өлімі

Алдыңғы жаңалық

Алматыда бүлік кезінде зардап шеккен кәсіпкерлердің шығынын өтеу тетігі өзгерді