Қорға 69 мыңнан астам жеке тұлға мен 200-ден астам заңды тұлға және ірі бизнесмендерден ақша түскен
«Қазақстан халқына» қорының шоттарына ірі бизнес өкілдері, компаниялар мен жеке тұлғалар 116,8 млрд теңге аударды, деп хабарлайды Azattyq Rýhy қордың баспасөз қызметіне сілтеме жасап.
Осы жылдың 16 қаңтары мен 9 ақпаны аралығында заңды тұлғалар мен ірі бизнесмендер 116 млрд 762,6 млн теңге сомасына 215 төлем жасады.
Сондай-ақ, 69 695 жеке тұлғадан 55 млн теңге түсті.
"Қор Қазақстандағы қайырымдылықтың дамуына үлес қосқандардың барлығына алғыс білдіреді", – делінген хабарламада.