Интернет-жобада сұхбаттар, мультимедиалық технологияларды пайдалана отырып эксклюзивті материалдар жарияланады
Қазақстанның медиа нарығында halyq-uni.kz атауымен қазақ тілінде жаңа ақпараттық портал іске қосылды. Жаңа медиа оқырманға еліміздегі экономикалық, әлеуметтік, саяси және мәдени тақырыптарда маңызды ақпараттар мен сараптамалық-талдау материалдар ұсынады.
Сайттың мақсаты – оқырманға жан-жақты, маңызды, жедел, әрі сапалы ақпарат тарату. Halyq-uni.kz жобасының еліміздің барлық өңірінде арнайы тілшілері бар.
Жаңа интернет-ресурстың бас редакторы Жандос Байділданың айтуынша, «Halyq Uni» халықтың сұранысына сай ақпарат беретін еліміздегі іргелі порталдардың бірі болмақ.
«Қазір қазақ тілінде ақпараттық сайттар көп, алайда олардың ішінде сапалы контент ұсынатындары аз. Оқырманның сапалы әрі терең танымдық дүниелер оқуға хақысы бар. Сондықтан, елдің сөзін сөйлеп, әлеуметтің мәселесін көтерсек деген ниетпен «Halyq Uni» жобасын қолға алдық. Порталдың аты айтып тұрғандай, медиа нарығына енген жаңа жобамыз халықтың сөзін сөйлеп, олардың қордаланған мәселесін билікке жеткізуді, жеткізіп қана қоймай, оның орындалуына ықпал етуді көздейді.
Өңірлердегі тілшілеріміз өз аймағында болып жатқан кез келген ақпаратты бүкпесіз, шынайы, нақты дәлелердермен ұсынады.
Еліміздің кез келген азаматы редакциямызға тікелей хабарласып, өзін толғандырған мәселе бойынша жүгіне алады. Біз көп сайттың бірі емес, сенімді ақпарат көзі болуды мақсат тұтып отырмыз», – дейді Жандос Байділда.
Интернет-жобада сұхбаттар, мультимедиалық технологияларды пайдалана отырып эксклюзивті материалдар жарияланады. Сайтта жарияланған материалдарды сүйемелдеп, оны оқырманға ұсыну үшін ақпараттық порталдың бірқатар әлеуметтік желіде ресми парақшалары жұмыс істейді.
Сайт: halyq-uni.kz
Facebook: https://www.facebook.com/HalyqUniMedia/
Instagram: https://www.instagram.com/halyquni.media/
Telegram: https://t.me/halyqunimedia
Youtube: https://bit.ly/3qZNlkc
Байланыс үшін:
Email: info@halyq-uni.kz
WhatsApp: +7 705 563 6493
Редакцияның жұмыс нөмірі: +7 7172 79 30 25