Оның ақшасы таусылып, далада қонуға мәжбүр
Нұрлан есімді Қазақстан азаматы жалдамалы жұмысшы ретінде Ресейде өзіне тиесілі айлығын ала алмай жүр, деп хабарлайды Azattyq Rýhy.
Бұл туралы «Мамы Мира» еріктілер тобы TikTok әлеуметтік желісінде видео жариялады.
«Мен бұл жерден ақшамды алмай еліме қайтпаймын. Маңдай теріммен тапқан қаражат. Менің ұялы телефоныммен құжатымды ұрлап кетті. Полиция қызметкерлері менің арызымды қабылдамайды. Анда-мында сандалтып қояды», - дейді ол.
Нұрлан аталған еріктілер тобына айлығын ала алмай жүргенін айтып, көмектесуді сұраған. Қазір қазақстандық азамат пневмониямен ауырғаны анықталды. Нұрланның ақшасы таусылып, далада қонуға мәжбүр.