ТЖД мамандары өңір жұртшылығына алыс сапарға шықпауды кеңес етті
Шығыс Қазақстан облысында 24-27 желтоқсан аралығында қар көшкіні болуы мүмкін, деп хабарлайды облыстық ТЖД.
«Метеорологиялық жағдайдың өзгеруіне, жиі қар жаууына және желдің күшеюіне байланысты облыстың таулы жерлерінде қар көшкіні түсуі ықтимал. Осы ретте, тұрғындарға барынша абай болуды, ешбір жағдайда тауға шықпау қажеттігін ескертеміз. Егер қандай да бір қиындыққа тап болсаңыздар бірден «112» нөміріне қоңырау шалыңыздар», - деп хабарлады ведомство өкілдері.
Сол сияқты ТЖД мамандары өңір жұртшылығына алыс сапарға шығар алдында жолдардың жай-күйін «Дәрмен» мобильді қосымшасы арқылы тексеріп отыруға кеңес берді.