Қараша бізге нағыз күзгі ауа райын сездіртеді
«Қазгидромет» РМК алдағы демалыс күндеріне арналған ауа райы болжамын жария етті, деп хабарлайды Azattyq Rýhy.
«Қазанның көп бөлігі қазақстандықтарды жылы күндермен қуантты. Ал қараша бізге нағыз күзгі ауа райын сездіртеді: демалыс күндері Қазақстан аумағына Солтүстік-Батыс циклон әсер ете бастайды. Ол жаңбыр мен қар түрінде жауын-шашынды, желдің күшеюін, солтүстік облыстарда бұрқасын және көктайғақ құбылыстарын, сондай-ақ ауа температурасының төмендеуін алып келеді», - делінген «Қазгидромет» хабарламасында.