Қазақстанда тағы екі елдің вакцина паспорты жарамды болады

Azattyq Rýhy

Елімізде Мальдив Республикасының және Молдованың вакцина төлқұжаты жарамды деп танылды

Фото: ашық дереккөзден

Бас мемлекеттік санитариялық дәрігер Е. Қиясов Қазақстан Республикасында COVID-19 коронавирустық инфекциясына қарсы вакцинация паспорттарын анықтамаларын тану туралы қаулыға қол қойды, деп хабарлайды Azattyq Rýhy.

«Қазақстан Республикасының халқы арасында COVID-19 коронавирустық инфекциясының таралуының алдын алу мақсатында ҚАУЛЫ ЕТЕМІН:

1. Осы қаулыға 1-қосымшаға сәйкес құжаттардың үлгілеріне сәйкес Аргентина Республикасында, Мажарстанда, Грузияда, Иран Ислам Республикасында, Иорданияда, Қырғыз Республикасында, Мальдив Республикасында, Моңғолияда, Армения Республикасында, Беларусь Республикасында, Молдова Республикасында,  Сан-Марино Республикасында, Үндістан Республикасында, Филиппин Республикасында, Таиландта, Түркия Республикасында және Эстония Республикасында берілген азаматтардың вакцинация паспорттары/сертификаттары/анықтамалары Қазақстан Республикасының аумағында жарамды деп танылсын.  

2. «Қазақстан Республикасының халқы арасында коронавирустық инфекция ауруының алдын алу жөніндегі шараларды одан әрі жүргізу туралы» Қазақстан Республикасының Бас мемлекеттік санитариялық дәрігерінің 2021 жылғы 11 маусымдағы № 28 қаулысының 3-тармағының күші жойылсын», - делінген Қаулыда.

×
Бұл желілік ресурстың ақпараттық өнімдері 18 жастан асқан адамдарға арналған.