Бұл турнирге таеквондодан Қазақстан құрамасының екі спортшысы қатысқан
Қазақстан құрамасының мүшесі, таеквондошы Жансель Дениз Түркияда өткен халықаралық турнирдің жеңімпазы атанды, деп хабарлайды Атырау облыстық спорт және дене шынықтыру басқармасы баспасөз қызметі.
Жақында Стамбул қаласында таеквондодан «WT President' s Cup Europe» халықаралық рейтинг турнирі өткен.
«Бұл турнирге таеквондодан Қазақстан құрамасының екі спортшысы қатысты. Соның бірі – Жансель Дениз. Әйелдер арасындағы сайыста 73 келіге дейінгі салмақ дәрежесінде бақ сынаған ол қарсыластарының бәрін жеңіп, алтын медальға ие болды», деп хабарлайды басқарманың баспасөз қызметі.