Танымал футболшы ауруханада жатыр

Әйгілі бразилиялық футболшы Пеле қатты науқастанып жатыр. Қыркүйек айының басында оған ота жасалып, қарқынды терапия бөлімшесіне ауыстырылды деп хабарлайды Lenta.ru.

Футболшының ішегіндегі ісік алынып тасталған. Дәрігерлер оның жағдайы оңалатынын айтады.

Футболдан үш дүркін әлем чемпионы Пеле атымен танымал Эдсон Арантис ду Насиментудың денсаулығы соңғы уақытта сыр беріп жүрген еді. Қазір ол Сан-Паулудағы ауруханалардың бірінде қарқынды терапия бөлімшесінде ем қабылдауда.

Қазір жағдайым жақсы. Мен үшін уайымдап, қал-жағдайымды сұраған барша жанға алғысымды білдіремін, - деп жазды Пеле әлеуметтік желідегі парақшасында.