Маңғыстау облысына мал азығы жеңілдетілген тарифпен жеткізіледі

Стандартты тарифтер бойынша тасымалдау құны шамамен 420 мың теңгені құрайды

фото ашық дереккөзден

«Қазақстан темір жолы» ҰК» АҚ Маңғыстау облысы әкімдігінің сұранысы бойынша осы жылдың бірінші қарашасына дейін жем-шөп тасымалдауға жеңілдік тарифтерін енгізу туралы шешім қабылдады, деп хабарлайды Маңғыстау облысы әкімінің баспасөз қызметі.

2021 жылдың 20 қыркүйегінен бастап 2021 жылдың 31 қазан аралығында «ҚТЖ-Жүк тасымалы» ЖШС – «Маңғыстау ЖК бөлімшесі» филиалының станциясында республикалық қатынаста әмбебап меншікті вагондармен бидай кебегін, құрама жемді, арпаны, астық қалдықтарын, күнжараны, жемшөп ұнтағын, тамақ өнеркәсібінің қалдықтарын тасымалдау мынадай тәртіппен есептеледі:

1) магистральдық темір жол желісі қызметтерінің тарифтері ҚР Табиғи монополияларды реттеу Комитеті белгілеген есептеу тәртібіне сәйкес толық көлемде есептеледі;

2) локомотивтік тартым қызметі мен жүк және коммерциялық жұмыс қызметтерінің тарифтері 0,01 коэффициентімен есептеледі;

3) «Қазтеміртранс» АҚ вагондары үшін жұмыс мөлшерлемесі 0,01 коэффициентін қолдана отырып есептеледі;

4) Басшылықта белгіленген жүктерді тасымалдауға байланысты қосымша қызметтер үшін 0,01 коэффициентін қолдана отырып есептеледі;

5) Магистралды, станциялық жолдарда меншікті вагондардың аялдағаны үшін төлем 0,01 коэффициентін қолдана отырып есептеледі.

0,01 коэффициенті дегеніміз – төмендетілген жеңілдік тарифі.

Мысалы, құрама жем тиелген вагон Қостанай-Маңғыстау бағыты бойынша жіберілетін болса, стандартты тарифтер бойынша тасымалдау құны шамамен 420 мың теңгені құрайды.

 

×
Бұл желілік ресурстың ақпараттық өнімдері 18 жастан асқан адамдарға арналған.