Олар жемқорлыққа қарсы іс-қимыл бойынша елеулі олқылықтар жіберген
СҚО бойынша Сыбайлас жемқорлыққа қарсы қызметтің ұсынысы бойынша ҚР Ұлттық ұланы Әскери институттың жеке құрамы арасында сыбайлас жемқорлыққа қарсы іс-қимыл бойынша жүргізілетін профилактикалық жұмыстағы елеулі олқылықтар үшін әскери институттың бастығы генерал-майор Б. С. Әбжановқа «сөгіс» жарияланды;
Сондай-ақ институт бастығының, штаб бастығы - Әскери институт бастығының бірінші орынбасары міндетін атқару кезеңінде сыбайлас жемқорлық жасауға жол бермеу жөніндегі алдын алу іс-шараларын ұйымдастыруда әскери институтқа нашар басшылық еткені үшін полковник И.Н. Сағандықовқа «қатаң сөгіс» жарияланды.
Одан бөлек, сыбайлас жемқорлықтың алдын алу бойынша әскери институт офицерлерімен алдын алу жұмыстарын сапасыз жүргізгені және олардың әскери тәртіпті қатаң сақтауына төмен талап қойғаны үшін әскери полиция бастығы полковник Н.Қ. Жанболовқа «қатаң сөгіс» жарияланды.