Сәкен Бибосынов алғашқы жекпе-жегін жеңіспен бастады

Ол 52 келі салмақ дәрежесінде өнер көрсетеді

фото: olympic.kz

Бокстан Қазақстан командасының мүшесі Сәкен Бибосынов Токио Олимпиадасындағы бірінші жекпе-жегін жеңіспен бастады.

52 келіде сынға түскен Сәкен бірінші айналымда Пуэрто-Рико өкілі Янкьель Ривера Фигероамен кездескен болатын. Тартысты жекпе-жекте қазақстандық боксшы қарсыласын 4:1 есебімен жеңді.

Қазақ боксшысының келесі қарсыласы - әлем чемпионатының қола жүлдегері. Сәкен Бибосынов француз боксшысымен бұған дейін екі рет кездесіп, бірінде жеңіп, бірінде жеңілген.

Айта кетелік, бүгінге дейін Серік Теміржанов (57 келі) пен Зәкір Сафиуллин (63 келі) Токио ойындарындағы алғашқы жеңісін еншілеген болатын.

Мақалада

#бокс #Токио-2020 #Сәкен Бибосынов

Алдыңғы жаңалық

Сот экс-министр Біртановты үйқамақтан босатудан бас тартты