ШҚО-да аудан әкімінің орынбасары кәсіпкерден 1,8 млн теңге пара алған деген күдікке ілінді

Шығыс Қазақстан облысындағы аудандардың бірінде әкімнің орынбасары кәсіпкерден ірі көлемде пара алды деген күдікпен ұсталды. Бұл туралы Сыбайлас жемқорлыққа қарсы іс-қимыл агенттігінің ШҚО бойынша департаменті хабарлап отыр.

Алдын ала мәлімет бойынша, шенеунік кәсіпкерден 1 миллион 800 мың теңге көлемінде ауызбастырық алған. Қазір ол қамауға алынып, үстінен қылмыстық іс қозғалды. Тергеу амалдары жүргізіліп жатыр.

Тергеу мүддесіне сәйкес басқа мәліметтер жария етуге жатпайды.