Қажылыққа 18 бен 65 жас аралығындағы 60 мың азамат қатысады
Сауд Арабиясында ислам мұсылмандарының қажылығы басталды. Қажылық коронавирус инфекциясының таралуын болдырмауға бағытталған қатаң шектеулер жағдайында өтеді.
Қажылық 17 шілдеде басталып, 22 шілдеге дейін жалғасады. Биыл да бұл рәсімге шет ел тұрғындары қатыса алмайды. Қажылыққа елде бекітілген вакциналармен коронавирусқа қарсы екпенің екі компонентін алған 18 бен 65 жас аралығындағы корольдіктің 60 мың азаматы қатысады.
Биыл қажылар саны былтырғы жылмен салыстырғанда көп.