Вакцина алған 2,9 млн адамның 1437-і ғана ауырып қалды – ДСМ

«Спутник V» вакцинасының бірінші дозасынан кейін 979 адам, Hayat-Vax-тан кейін 35 адам және QazVac-тан кейін 8 адам ауырған

Фото: ашық дереккөзден

Қазақстанда вакцинациядан кейін 1 437 адам коронавирус жұқтырған, деп хабарлайды Azattyq Rýhy.

ДСМ өкілдерінің мәліметінше, бұл – 0,05%-дық төмен деңгей. Өндірушінің өзі вакцинаның тиімділігі 92% құрайды дейді, яғни 100 адамның 8-і ауырып қалуы мүмкін. «Спутник V» вакцинасының бірінші дозасынан кейін 979 адам, Hayat-Vax-тан кейін 35 адам және QazVac-тан кейін 8 адам ауырған. Бұл көрсеткіштер вакцинация тиімділігінің жоғары екендігін растайды. Яғни, екпе алған 2,9 млн адамның 1437-сі ғана сырқаттанған.

Орталық коммуникациялар қызметінде өткен брифингте ҚР ДСМ санитарлық-эпидемиологиялық бақылау комитетінің төрайымы Айжан Есмағамбетова осындай мәліметтерді жеткізді. 

Сонымен қатар, ол жаңа тізімде неге вакцинация мен ПТР тест міндетті екенін, ал антиденелер туралы анықтама секілді балама жоқ екенін түсіндірді. 

«Ауырып жазылған адамдар міндетті түрде ПТР-тест болуы тиіс санатқа жатпайды, ал ауырып жазылғандарға үш ай уақыт беріледі. Қазір қайта ауыру жағдайлары тіркеліп жатыр, клиникалық хаттамаларға «қайталанған жағдай» ұғымы енгізілді - бұл ауырғаннан кейін 3 ай өткен соң тіркелген жағдай. Мұндай жағдайлар бар, сондықтан біз алты айдан 3 айға дейін азайттық. Айта кетерлік жайт, ауырған адамдарды вакцинациялау үшін қарсы көрсетілімдер жоқ. Бұл қарсы көрсеткіштер, дәлірек айтқанда, шектеулер алғашқы кезеңдерде енгізілді және вакциналардың, әлемде жеткіліксіз болуына байланысты енгізілген. Бұл ретте ауырмағандарға басымдық берілді, өйткені бұрын ауырғандарда аз уақытқа болсын, қорғанысы бар. Антиденелерге тест тапсыруға келетін болсақ, антиденелердің қандай титрі қорғай алатыны туралы нақты дәлелденген ғылыми мәліметтер жоқ, сондықтан біз бұл норманы енгізген жоқпыз», - деп түсіндірді Денсаулық сақтау министрлігінің өкілі.

 

×
Бұл желілік ресурстың ақпараттық өнімдері 18 жастан асқан адамдарға арналған.