Елімізде коронавирус пен пневмониядан бір тәулікте 18 адам көз жұмды

Денсаулық сақтау министрлігі 25 сәуірдегі коронавирус инфекциясымен ауырғандарға қатысты ақпаратты жариялады, деп хабарлайды Azattyq Rýhy COVID-19 таралуына жол бермеу жөніндегі ВАК мәліметіне сілтеме жасап.

Өткен тәулікте COVID-19 вирусынан 15 адам, КВИ белгілері бар пневмониядан 3 адам қайтыс болды.

Министрлік мәліметі бойынша, 41 711 адам коронавирус инфекциясынан (41 203 КВИ+ және 508 КВИ-) емделуде, олардың ішінде 14 827 пациент стационарда, 26 884 науқас амбулаториялық деңгейде ем қабылдап жатыр.

КВИ+, КВИ- шалдыққандардың арасында:

• 716 адамның жағдайы ауыр;
• 181 пациенттің жағдайы өте ауыр;
• 104 науқас ӨЖЖ аппаратында жатыр.

Сондай-ақ, 23 сәуірдегі мәлімет бойынша 86 жаңа жағдай тіркелді, 3 жағдай өліммен аяқталған. 85 адам жазылып шыққан.

2020 жылдың 1 тамызынан бастап:

науқастар саны – 52 434;  

өлім жағдайлары – 771;

барлығы 51 155 адам сауығып шықты.