Жол апатынан бір адам қаза тапты
Нижний Новгород қаласында автокөлік жаяу жүргіншілерді қағып кетіп, бір адам қайтыс болды, 12 адам зардап шекті, деп хабарлайды Azattyq Rýhy тілшісі ТАСС агенттігіне сілтеме жасап.
«Аймақтық Денсаулық сақтау министрлігінің хабарлауынша, жол апаты салдарынан 12 адам зардап шеккен, олардың 9-ы – жасөспірім балалар тоғызыншы сыныпта оқиды. Балаларды ертіп жүрген бір адам қайтыс болды», - деп жазылған ақпаратта.
Ресейдің Нижегород облысы бойынша Тергеу комитетінің Тергеу басқармасы ірі жол апатын жасаған күдіктіні ұстағаны туралы хабарлады.