ШұғылҚазақстанда өткен тәулікте 2656 адамнан коронавирус инфекциясы анықталды

Қарағанды облысында коронавирус жұқтыру деңгейі 20 пайызға өсті

Оған наурыздың басындағы мереке күндері халықтың шектеу шараларын бұзуы себеп болған

liter.kz

Қарағанды облысында 2021 жылының басынан бері COVID-19-дың зертханалық жолмен расталған 4 827 жағдайы тіркелген. 100 мың тұрғынға шаққанда сырқаттанушылық көрсеткіші 47,6-ны құрады. Репродуктивті саны Rt-1,048 көрсетуде. Бұл туралы COVID-19 таралуына жол бермеу жөніндегі ВАК хабарлады.

Ақпан айымен салыстырғанда наурызда індетті жұқтыру деңгейі 19,5%-ға өскен. Басты себептерінің бірі, наурыз айының басындағы мереке күндері халықтың шектеу шараларын бұзуы болған.

Өткен апта тіркелген жағдайлардың жас және әлеуметтік-кәсіби құрылымы бойынша бөлінісі:

- 60 жастан асқан адамдар (26,4%),
- 14 жасқа дейінгі балалар (18,6%),
- 50-59 жас шамасындағы (13,2%) еңбекке қабілетті адамдар және 30-39 жас аралығындағы (15,2%) жастар болып табылады.

Әлеуметтік және кәсіби құрылымдар арасында зейнеткерлер (23,9%) әлі де басым, жұмыс істемейтін адамдар, оның ішінде үй шаруасындағы әйелдер (18,3%), жеке кәсіпкерлік, жауапкершілігі шектеулі серіктестік қызметкерлері (12,9%), мектеп оқушылары (12,7%) құраған.