Садақ атудан Азия чемпионатында қазақстандық спортшы үздік ондыққа енді

Қазақстандықтар сапынан ең көп ұпай жинаған - Денис Ганькин. Ол 337 ұпаймен алтыншы орында тұр

Фото: баспасөз қызметінен

Бүгін Тайландтың Бангкок қаласында садақ атудан лицензиялық Азия чемпионатының алғашқы жарыс күні өтуде, Azattyq Rýhy тілшісі ҰОК баспасөз қызметіне сілтеме жасап.

Классикалық садақ атудан ерлер арасындағы бәсекені бірінші айналымы артта қалды. Қазақстандықтар сапынан ең көп ұпай жинаған - Денис Ганькин. Ол 337 ұпаймен алтыншы орында тұр.

Сұлтан Дүзелбаев 26, Ильфат Абдуллин 43, Санжар Мұсаев 46-орында келеді.

Айта кетейік, классикалық садақ атудан Қазақстан ерлер құрамасы 2020 жылғы Токио Олимпиадасының жолдамасын иеленген болатын. Біздің команда лицензияны Голландияда өткен әлем чемпионатында жеңіп алды.